المونديال ع الكنبة – المغرب برأسٍ مرفوعة وفرنسا في نهائي لوسيل

ألف ألف مبروك للمنتخب المغربي على إنجاز كاس العالم ٢٠٢٢، campaign تاريخية يستحقوا الثناء عليها في كل الأحوال، ولسه في فرصة للرجوع بميدالية حتى لو الموضوع صعب بسبب الانهيار البدني الظاهر على لاعيبة المغرب.

كان باين جدًا أثر الإصابات في الدفاع على أداء المغرب، خصوصًا مع إصابة أكرد وسايس، اللي بالمناسبة كانوا في سكورشيت الماتش وخرج أكرد قبل الماتش للإصابة وتبعه سايس، بس هنا الركراكي بعد استقبال الهدف قرر يرجع للطريقة التقليدية بـ٢ مدافعين ونزول سليم أملاح في نص الملعب.

تتفق أو تختلف مع قرار الركراكي في البداية بـ٣ في المحور، لكن لازم نعترف بإن عدم فوز المغرب النهاردة كان لأسباب كتير منها الناحية البدنية وانك كمان بتلاعب بطل العالم اللي عكس كل التوقعات عامل بطولة كويسة لحد دلوقتي! كمان الفروقات الفردية والحلول اللي بيوجدها ديمبيلي ومبابي وجريزمان من خُرم إبرة.

أخيرًا عرفنا المشهد الختامي والموقعة اللي بنستناها كل ٤ سنين؛ الأرجنتين × فرنسا في نهائي كأس العالم فيفا قطر ٢٠٢٢، وهنستنى يومين كمان عشان نعرف La coupe reste-t-elle à la maison ولا هتضحك لـميسي لأول مرة؟

#المونديال_ع_الكنبة

#FIFAWorldCup

#FRAMAR