in

المونديال ع الكنبة – حلم التانجو يقترب

بص يا سيدي، ألعاب العقل لما بتتلعب صح بتبقى فتّاكة على أرض الواقع!

ليونيل سكالوني خرج عن المألوف النهاردة وحاول ياخد الموضوع بالعكس مع كرواتيا، سكالوني مطبق بقاله ٣ أيام على فكرة واحدة بس خرج منها أفكار كده؛ ألا وهي ازاي يـruin الأسلوب اللي كرواتيا بتلعب بيه ومتميزة بيه من ٤ سنين مثلًا.

الراجل دخل الماتش بمجازفة ولكنها في محلها؛ سيب الاستحواذ لكرواتيا اللي داخلة الماتش متوقعة عكس كده وان الأرجنتين هتهاجم بجنون، لكن الواقع ان حتى الضغط اللي عملته الأرجنتين كان موزون وفي توقيتات مظبوطة.

الماتش اتلعب على تفاصيل مهمة، أهمها برجلة المنظومة الكرواتية ثم بعد كده اللعب على أخطاءهم اللي كده كده كانت هتحصل بالشكل ده، حتى في الهجمة المرتدة اللي اتسببت في ركلة الجزاء ثم هدف الرائع آلفاريز التاني كان ده باين، تحركات اللاعيبة الكروات وهم in possession سيئة جدًا وبيخسروا تموضعهم بسهولة وده اللي سمح للأرجنتين بعد كده بالارتداد والوصول لـمرمى ليفاكوفيتش أكتر من مرة!

أما عن ميسي، فرغم إصابته إلّا ان قواعد زي كده ماتمشيش على ميسي طالما قادر يقف على رجله، لأن موهبة اللعب ووعيه بيفرقوا، ولأن ميسي مش زي أي لاعب حتى وهو ٣٦ سنة.

يوم تاريخي تاني لميسي بوصوله للهدف الـ١١ ليه في تاريخه في كاس العالم كأكتر هدافي الأرجنتين في البطولة، والوصول لخامس أهدافه النسخة دي متصدرًا مع مبابي، ومعادلته لرقم لوثار ماتيوس بـ٢٥ مباراة كأكتر لاعب شارك في كاس العالم. مبروك للأرجنتين وجمهورها..

#المونديال_ع_الكنبة

#FIFAWorldCup

#ARGCRO

اترك تعليقاً

GIPHY App Key not set. Please check settings

هل أعجبك المقال ؟

المونديال ع الكنبة – مرة أخرى لن تعود إلى المنزل

المونديال ع الكنبة – المغرب برأسٍ مرفوعة وفرنسا في نهائي لوسيل