in

المونديال ع الكنبة – نهاية دور المجموعات التاريخي

من 974 ومن لوسيل، اتكتب ختام أغرب وأمتع دور مجموعات ربما في تاريخ كؤوس العالم..

الديربي السويسري الصربي لما له من أبعاد تاريخية سياسيًا ورياضيًا كان واعد دايمًا زي ما عودنا، فبعد انتصار سويسرا في ٢٠١٨ بهدفين لهدف الانتصار اتكرر تاني في ٢٠٢٢ بنفس الفرق مع عدد أهداف أكتر.

كان واضح جدًا ان سويسرا فريق بيجيد اللعب على الطرفين بنفس الكفاءة، خصوصًا الناحية اليمين جهة شاكيري دينامو المنتخب واللي عمل الـpre-assist الخرافي في الهدف التالت، بردو جرانيت شاكا الخرافي اللي بيعمل كاس عالم مميز امتدادًا لمستواه مع آرسنال من بداية الموسم، ٩٤.٥٪ دقة تمريرات وانتشار في كل مكان في الملعب.

أما الكاميرون، فبصراحة لقطة غريبة من ڨينسينت أبو بكار ربما لو مكنش قلع التيشيرت وخد الإنذار التاني واتطرد يمكن كان سجل هدف تاني وتعادلت صربيا وقتها الموقف كان هيكون مختلف، تصرف كوميدي بس غير مسئول وانتصار معنوي للكاميرون ويُضاف لتاريخهم أكيد.

نقطة أخيرة بقى، لأول مرة منذ مونديال ١٩٩٤ دور المجموعات مفيهوش فريق واحد حقق ٩ نقاط وخرج بالعلامة الكاملة!

إلى اللقاء في دور الـ16 إن شاء الله.. ♥️

#المونديال_ع_الكنبة

#FIFAWorldCup

#GroupG

اترك تعليقاً

GIPHY App Key not set. Please check settings

هل أعجبك المقال ؟

المونديال ع الكنبة – تعريف الجنون

المونديال ع الكنبة – نهاية المغامرة.. وليلة مميزة لعائلة بليند