Mohamed Magdy Mahdy
نهاية رحلة جميلة للمنتخب الأمريكي الشاب، أنا ليا رأي كده شايف ان منتخب هولندا الحالي كـ”عناصر” هو نسخة محدثة من اللي المفروض هيكون عليه منتخب أمريكا في السنين الجاية، بل ان الجيل ده من أمريكا واعد جدًا وربما يوصل بعيد في البطولات الجاية.
الكلام ده استنادًا على نوعية وجودة لاعبي أمريكا اللي تنقصهم الخبرة، لكن من أول مات تيرنر لحد تيموثي وياه واللي على الدكة ففي الحقيقة كانوا منتخب من المنتخبات اللي قدمت كورة متميزة في البطولة.
لوي فان جال النهاردة نجح في جعل فريقه كمنظومة يبطئوا أسلوب لعب أمريكا بعد ما سابلهم الاستحواذ، اللي معروف انه من أكتر المنتخبات اللي بتلعب كورة سريعة، ده شيء جعل لاعيبة خط وسط أمريكا تاخد وقت أكبر في بناء اللعب والتفكير في إيجاد حلول لفك التكتل الهولندي.
على الصعيد الهجومي، وجود ممفيس ديباي في فورمته النهاردة ساعد هولندا جدًا وكان خطر كبير على أمريكا، ٣ تسديدات على المرمى منه وأكتر من مرة بيراوغ ويخترق خصوصًا من ناحية ديست اللي قدم مباراة كارثية.
ليلة تاريخية لأحد كباتن هولندا ديلي بليند اللي بمناسبة بيلعب من فترة بجهاز منظم ضربات القلب زي اللي إيريكسن عمله، هدف حاسم منه واحتفال مع والده مساعد المدرب.
بانتظار الفائز من الأرجنتين وأستراليا لمواجهة هولندا، وإن كانت طبعًا كفة الأرجنتين أرجح لكن مش هنستعجل في مونديال المفاجآت.
#المونديال_ع_الكنبة
#FIFAWorldCup
#NEDUSA
