Mohamed Magdy Mahdy
ربما حان الوقت لمنتخب السنغال انه يمتلك جهاز فني أقوى من الجهاز الحالي، كل الاحترام والتقدير لآليو سيسيه بطل إفريقيا مرة ووصيفها مرة، واللي قدم نسختين متميزتين من كاس العالم قاد فيهم المنتخب مدربًا زي ما قاده لاعبًا لإنجاز ٢٠٠٢، ولكن مفيش حاجة جديدة ممكن يقدمها رغم عقده اللي اتجدد.
يُحسب للسنغال صمودها بل وتهديدها اللي حسسنا في أوقات انهم قريبين، لكن الماتشات اللي زي كده بتخلص على تفاصيل بسيطة؛ تألق حارس مرمى منافسك ثم ارتداد الكرة عليك مع هفوات في الرقابة قادرة تخرجك من ماتش ثم من بطولة.
إنجلترا وفرنسا متوقع يكون من أمتع ماتشات كاس العالم، مستنيين كمية صراعات ثنائية بين المدربين واللاعيبة على أرض الملعب وبإذن الله يفي بالتوقعات دي.
#المونديال_ع_الكنبة
#FIFAWorldCup
#ENGSEN
