المونديال ع الكنبة – الحرب خلصت

المنتخب الأمريكي بالبلدي كده “فرهد” منتخب إيران، أمريكا عندها تاني أصغر معدل أعمار في البطولة بعد غانا، بل النقطة الزيادة كمان انهم منتخب ديناميكي جدًا ومميز في أنصاف المساحات.

حتى بعد الهدف اللي كان في نهاية الشوط الأول وسيطرة إيران على الشوط التاني، فوجئنا بأداء سيء من مهدي طاريمي اللي لعب مباراة من أسوأ مبارياته مؤخرًا إحصائياته كارثية مش هكتبها

منتخب أمريكا مع جريج بيرهاوتر من أكتر المنتخبات اللي أقنعتني في طريقة لعبها من بداية البطولة، أشبه بفريق في البريميرليج، وكان هيبقى خسارة كبيرة غيابهم عن الدور التاني، ماتشهم قدام هولندا هيبقى واعد جدًا.

في الماتش التاني، إنجلترا مالقتش أي صعوبة وساوثجيت بدأ الماتش ببعض التغييرات أبرزهم ووكر العائد من الإصابة، وراشفورد اللي تألق وكان رجل المباراة بامتياز بهدفين أجمل من بعض حرفيًا.

هولندا × أمريكا.. إنجلترا × السنغال، أول ماتشين اتعرفوا من ماتشات دور الـ16 و الماتشين هيكونوا ممتعين بإذن الله.

#المونديال_ع_الكنبة

#FIFAWorldCup

#GroupB