Mohamed Magdy Mahdy
انتصارات زي كده مؤلمة لكنها مشرفة اوي!
كلنا فخورين بأداء رجالة تونس النهاردة، الموضوع مؤلم بس عشان كلنا شُفنا الشكل اللي كان المفروض القادري يلعب بيه الماتش اللي فات، لكن مش هنفتح في القديم وهنقول مبروك لـ تونس دلوقتي انتصار تاريخي على فرنسا، انتصار هو الأول في تاريخ تونس على أبطال العالم.
وهبي الخزري يقدر يخدم منتخب تونس من كل قلبه ولو برجل واحدة، خبرة كبيرة خصوصًا في كاس العالم بالإضافة إلى انه أكتر لاعبي منتخب تونس خبرة بسنينه الطويلة في الملاعب الأوروبية، دقة تمريرات ١٠٠٪ ما شاء الله وخريطته الحرارية بتوضح انه كان موجود في كل مكان في الملعب!
الدنمارك خيبت الآمال وتذيلت المجموعة، ولو ان أملنا فيها النهاردة كان عشان تونس، من المربع الذهبي ليورو الصيف الماضي لتذيل مجموعتها السهلة نظريًا في كاس العالم، أستراليا حققت مفاجأة بعد خسارتها برباعية قدام فرنسا أول ماتش لكنها بنت على فوزها على تونس بعد كده، وتصديات ماتيو رايان التلاتة جعلته رجل المباراة بامتياز وأهّل أستراليا لدور الـ16 للمرة التانية بعد مونديال ألمانيا ٢٠٠٦.
#المونديال_ع_الكنبة
#FIFAWorldCup
#GroupD
