Mohamed Magdy Mahdy
يبدو ان ستاد خليفة الدولي أعرق ملاعب قطر هو موقع أجمل المباريات في البطولة لحد دلوقتي، تقريبًا كل المباريات اللي اتلعبت عليه كانت ممتعة.
تبص لاحتفال كراماريتش بعد الهدف الأول تقدّر حجم الضغط اللي عليه هو وزمايله، خصوصًا بعد الهجوم الكبير اللي اتعرض ليه بعد ماتش المغرب، تقريبًا مفيش مرة واحدة ليه النهاردة out of position، وكفاعلية على المرمى فمن xG يقدر بـ1.6 سجل هدفين مهمين جدًا لكرواتيا وكان قريب من التالت قبل خروجه مباشرةً.
جون هيردمان مدرب كويس، واشتغل مع كندا كويس جدًا وصعد بجيل محترم وكان مميز في التصفيات، النهاردة رحلتهم في المونديال بتنتهي بس أتمنى يبنوا على ده للمستقبل استعدادًا للبطولة اللي هتبقى على أرضهم كمان ٤ سنين إن شاء الله.
نقطة أخيرة، أنا مش عارف ايه اللي حصل لـ چوناثان ديڨيد، ظهور مخيب جدًا.
نتمنى الوضع الحالي يكون متجه لحسم المغرب صدارة المجموعة في النهاية.
#المونديال_ع_الكنبة
#FIFAWorldCup
#CROCAN
