Mohamed Magdy Mahdy
“قولو برافو لـ وليد”
جملة من الجمل اللي اختتم بيها جواد بده معلق المباراة تعليقه على المباراة التاريخية لأسود الأطلسي.
كلام كتير لازم يتقال في حق الركراكي ورجالته، اللي تمكّنوا من فعل اللي عجز عن فعله المنتخب الكندي في الجولة الأولى والتسجيل في مرمى بلجيكا ٣ مرات لو احتسبنا الهدف الملغي.
الركراكي صعد بالماتش تدريجيًا ورفع الرتم بإرادته بدايةً من اختياره لاستقبال اللعب في البداية وترك الكرة، ثم قراءة الخصم كويس جدًا وده اللي ظهر في تبديلاته المميزة.
عايز أتكلم عن لاعيبة كتير جدًا، بس هختصر الكلام كله في سفيان امرابط الرائع ما شاء الله عليه، ٩ استعدادات للكرة وامتلاك تام لوسط الملعب، ثم حكيم زياش اللي ابتدا يرجع لنسق المباريات ويدي كل اللي عنده.
مبروك للمغرب والشعب المغربي والعربي، فوز تاريخي مستحق ومقنع والأهم بإذن الله هو حسم التأهل أمام كندا في الجولة الأخيرة.
#المونديال_ع_الكنبة
#FIFAWorldCup
#BELMAR
